ពេលដើរលេងនៅកន្លែងកម្សាន្តនានា
កាមេរ៉ាដែលល្អបំផុតសម្រាប់អ្នកគឺ
Smartphone ព្រោះស្រាល
ស្ដើងតូច ងាយដាក់តាមខ្លួន
និងរហ័សទាន់ចិត្ត។
ត្រឹមរូបសម្រាប់ Post ក្នុង
Instagram និង Facebook
មិនចាំបាច់ត្រូវការគុណភាពខ្ពស់ពេកទេ។
អ្នកខ្លះមានត្រឹម Smartphone
សេរីទាប គុណភាព និង
ពណ៌រូបភាពរៀងទាបបន្តិចមែនប៉ុន្តែមិនដល់ថ្នាក់យកប្រើការមិនបាននោះទេ។
ឧបករណ៍ ដែលល្អវាមិនសំខាន់ទេ
នៅពេលដែលអ្នកមិនមានវា
អ្វីដែលសំខាន់គឺរបៀបថតរបស់អ្នក។
បើអ្នកកំពុងកាន់
Smartphone សេរីទាប
ដូចជាខ្ញុំ គឺ Samsung J4+
គុណភាពរូបទាប
និងពណ៌ក៏មិនសូវស្រលះ
កុំទាន់អាលអន់ចិត្ត
អ្នកប្រហែលជាអាចថតរូបបានស្អាតជាង
iPhone 10 ឲ្យតែអ្នកបានអាននូវចំណុចខាងក្រោម។
១.
សកម្មភាពតួអង្គ
អ្នកត្រូវចេះបង្កើតសកម្មភាពសម្រាប់តួអង្គរបស់អ្នក
ប្រកបដោយអត្ថន័យខ្លឹមសារគ្រប់គ្រាន់
ហើយពន្យល់តួអង្គឲ្យយល់ពីគោលបំណង
និងប្លង់ថតដែលអ្នកចង់បាន។
ដំបូងៗ
តួអង្គរបស់អ្នកប្រហែលជាមានអារម្មណ៍ថារំខានបន្តិច
ប៉ុន្តែគេនឹងរីករាយ
និងមានទំនុកចិត្តលើអ្នកនៅពេលអ្នកបង្ហាញរូបភាពស្អាតៗឲ្យគេមើល។
២. ទីតាំង
និងទេសភាព
អ្នកត្រូវចាំថាកាមេរ៉ាទូរស័ព្ទមានកម្រិត
Aperture តូចណាស់
មិនអាចបង្កើត Depth of field
បានដូចកាមេរ៉ាបានទេ។
ដូចនេះអ្នកត្រូវចេះជ្រើសរើសទីតាំង
និង Background ឲ្យបានល្អ។
អ្នកគួរតែព្យាយាមចាប់យក
Background ដែលនៅឆ្ងាយពីតួអង្គ
ជាជាងនៅជិតតួអង្គ
ដើម្បីលើកតួអង្គឲ្យលេចធ្លោឡើងជាងគេ។
យកល្អអ្នកគួររកទីតាំងណាដែលមិនសូវមានមនុស្សម្នាច្រើន
ហើយព្យាយាមដាក់តែតួអង្គម្នាក់បានហើយនៅក្នុងប្លង់ថត
ហើយតួអង្គត្រូវមានលក្ខណៈរស់រវើកជាងទេសភាព។
៣.
ប្លង់ថត
អ្នកកុំភ្លេចទ្រឹស្ដីប្លង់ថតជាមូលដ្ឋានទាំង៦
ទីតាំងកាមេរ៉ាទាំង៣
និងត្រូវច្នៃវាឲ្យទៅជាប្លង់ផ្សេងទៀតតាមជាក់ស្ដែង។
អ្នកគួរព្យាយាមថតដោយផ្ដេកទូរស័ព្ទល្អជាងបញ្ឈរ
ទោះបីថតមនុស្សក៏ដោយ។
ព្រោះអ្នកមិនមែនចង់បង្ហាញតែមនុស្សទេ
គឺចង់បង្ហាញថាតួអង្គអ្នកកំពុងនៅទីកន្លែងដ៏ស្អាត
ស្រស់បំព្រង និងមានអារម្មណ៍ថាស្រស់ថ្លា
ឬ សប្បាយរីករាយផង។ កុំភ្លេចចុច
Focus ឲ្យចំតួអង្គផង
ដើម្បីប្រាកដថាតួអង្គរបស់អ្នកច្បាស់ល្អ
មិន Blur ។
៤.
អត្តចរិតអ្នកថត
ហេតុអ្វីបានវាសំខាន់?
ពិតណាស់បើអ្នកថតមានមារយាទមិនល្អ
ខ្ជីខ្ជា កុំសង្ឃឹមបានរូបល្អឲ្យសោះ។
- ចិត្តស្ងប់ និងអំណត់
- រហ័ស ឈ្លាសវៃ
- មានគំនិតវិជ្ជមានច្រើន
- ការតាំងចិត្តខ្ពស់ ហ្មត់ចត់
- ឧស្សាហ៍ព្យាយាម
អ្នកខ្លះគិតថា
ខ្លួនមិនមែនជាអ្នកថតរូបអាជីព
ហើយក្នុងដៃគ្រាន់តែជាទូរស័ព្ទប៉ុណ្ណោះ
មិនចាំបាច់អីធ្វើខ្លួនដូចអ្នកថតរូបមែនទែននោះទេ
នាំរវល់ច្រើនផង ខាតពេលផង។
គ្រាន់តែថតឲ្យតែឃើញ
និងបានៗប៉ុណ្ណោះ។
មិនដូច្នោះទេ ការយល់បែបនេះខុសហើយ។
អ្នកទៅកម្សាន្តកន្លែងល្អមួយ
យ៉ាងច្រើនបាន៣ថ្ងៃ
ប៉ុន្តែរូបថតរបស់អ្នកដែលល្អពេលដំណើរកម្សាន្តរបស់អ្នកធ្វើឲ្យអ្នករីករាយពេញមួយជីវិត
ឲ្យតែអ្នកមើលឃើញវា។
ដូច្នេះអ្នកមិនគួរគិតស្រាលលើការថតរូបទេ
ត្រូវព្យាយាមថតឲ្យបានស្អាតបំផុត
មានន័យគួរជាទីគាប់ចិត្តបំផុត។
៥.
Editing Process
ប្រើសិនបើអ្នកឧស្សាហ៍
និងមានពេលគ្រប់គ្រាន់
អ្នកអាចយកមកកែលម្អបន្ថែមនៅក្នុងកម្មវិធីដូចជា
Lightroom ឬ
Photoshop បាន។
អ្នកក៏អាចដំឡើង App
Lightroom នៅក្នុងទូរស័ព្ទដើម្បីប្រើបានដែរ
ក្រៅពីនេះនៅមាន App
ផ្សេងជាច្រើនក្នុង
Play Store ។
អ្នកគួរកែតែពណ៌
និងពន្លឺបានហើយ
និងត្រូវប្រយ័ត្នការដំឡើងពន្លឺ
និង Clarity
ខ្លាំងពេកវាអាចធ្វើឲ្យរូបភាពបែក។
និយាយរួម
អ្នកគ្រាន់តែកែបន្តិចបន្តួចបានហើយកុំខ្លាំងពេក
ព្រោះរូបចេញពីទូរស័ព្ទមិនមាន
Dynamic Range ខ្ពស់ដូចរូបចេញពី
Pro-camera ទេ។
 |
| Adobe Lightroom CC |