ទោះបីអ្នកប្រើទូរស័ព្ទដើម្បីថតរូប
Portrait ក៏ដោយ
អ្នកនៅតែអាចថតបានស្អាតដូចប្រើកាមេរ៉ាជំនាញដែរ
ឲ្យតែអ្នកយល់ពីគន្លឹះសំខាន់ៗមួយចំនួនដូចការរៀបរាប់ខាងក្រោម។
នៅពេលអ្នកអនុវត្តវិធីសាស្ត្រទាំងនោះយូរទៅ
អ្នកនឹងបែកគំនិត ច្នៃប្រឌិត
ក្នុងការផលិតរូបប្លែកៗ
និងមានភាពទាក់ទាញ។
ពេលនោះហើយអ្នកត្រូវបានគេហៅថា
Smartphone photographer
ដោយមិនដឹងខ្លួន។
២. រក Background ដែលធ្វើឲ្យកម្មវត្ថុលេចធ្លោឡើង
៣. ថតរូបដោយប្រើពន្លឺចាំងចែង ដើម្បីឲ្យកម្មវត្ថុ មើលទៅស្រស់ថ្លា
៤. សម្រេចចិត្តប្រើ Composition ណាមួយ ដើម្បីធ្វើឲ្យមានភាពទាក់ទាញ
៥. ប្រើ Portrait Mode ដើម្បីជួយឲ្យ Blur Background
៦. Focus នៅត្រង់ភ្នែក ដែលជាចំណុចសំខាន់បំផុត
៧. ព្យាយាមថតឲ្យច្រើនប្លង់ផ្សេងៗគ្នា មើលទៅខុសៗគ្នា
៩. បង្ហាញពីអារម្មណ៍ខាងក្នុងនៃកម្មវត្ថុរបស់អ្នកឲ្យលេចធ្លោឡើង ដើម្បីឲ្យមើលឃើញពីថាមពលនៃរូប
១០. Edit រូបដោយប្រុងប្រយ័ត្ន
តោះ!
ចាប់ផ្ដើមស្វែងយល់តិចនិកទាំង១០ខាងក្រោម
និងធ្វើការអនុវត្តទាំងអស់គ្នា។
១.
រកកម្មវត្ថុដែលគួរឲ្យចាប់អារម្មណ៍មួយ
ដើម្បីទាក់ភ្នែកអ្នកមើល
កម្មវត្ថុមានតួទីជាចំណុចបង្គោលសំខាន់បំផុត
នៅក្នុងរូបមួយសន្លឹក
ហើយវាជាកន្លែងដែលទាក់ទាញអ្នកមើលឲ្យផ្ដោតក្រសែភ្នែកទៅរក។
កម្មវត្ថុដែលបង្កើតភាពទាក់ទាញបាន
គួរតែនៅកន្លែងដែលមានពន្លឺជាងគេ
មានពណ៌ប្លែកពីគេ មានកិរិយា
អាការៈលេចធ្លោជាងគេ
ប្រៀបដូចជាហង្សនៅកណ្ដាលហ្វូងទាដូច្នោះដែរ។
២. រក Background ដែលធ្វើឲ្យកម្មវត្ថុលេចធ្លោឡើង
នៅពីក្រោយ
កម្មវត្ថុ គួរតែជា Background
ដែលមិនរញ៉េរញ៉ៃ
និងមានពណ៌ស្រអាប់ជាង
និងខុសគ្នាពីកម្មវត្ថុ។
ឧទាហរណ៍ថា កម្មវត្ថុពាក់អាវក្រហម
Background គួរតែពណ៌-ស។
៣. ថតរូបដោយប្រើពន្លឺចាំងចែង ដើម្បីឲ្យកម្មវត្ថុ មើលទៅស្រស់ថ្លា
ពន្លឺដែលបំផុតគឺចេញបីបង្អួចកញ្ចក់
ខណៈដែលកម្មវត្ថុនៅទីមានពន្លឺតិច
ពន្លឺពេលព្រឹកថ្ងៃទើបរះ
និងពន្លឺពេលល្ងាច
ថ្ងៃជិតលិច
ដែលពន្លឺទាំងនេះមានលក្ខណៈស្រទន់
ធ្វើឲ្យសាច់មនុស្ស
ឬស្លឹកឈើចាំងភ្លឺថ្លា។
អ្នកក៏អាចបង្កើតពន្លឺដោយអំពូលពិល
ទាន ឬចង្កៀងផងដែរ។
៤. សម្រេចចិត្តប្រើ Composition ណាមួយ ដើម្បីធ្វើឲ្យមានភាពទាក់ទាញ
Composition
ជាកត្តាសំខាន់ក្នុងការផលិតរូបភាព។
វាពឹងផ្អែកទៅលើស្ថានភាពអំណោយផលនៃទីតាំងរបស់អ្នក
និងការច្នៃប្រឌិតរបស់អ្នកផងដែរ
ដែលថា តើអ្នកត្រូវប្រើទ្រឹស្ដី
Composition
មួយណាក្នុងការថតរូប។
Composition ដែលពេញនិយមប្រើ
និងស័ក្ដិសមជាងគេសម្រាប់ថតរូបតាមទូរស័ព្ទគឺ
Rule of third និង
Leading line ។
៥. ប្រើ Portrait Mode ដើម្បីជួយឲ្យ Blur Background
បើអ្នកប្រើ
iPhone កាមេរ៉ារបស់វាមាន
Portrait Mode ។
ប៉ុន្តែកាមេរ៉ាទូរស័ព្ទផ្សេងទៀតប្រហែលជាអត់មានទេ។
ទោះបីជាអត់មានក៏ដោយ
អ្នកនៅតែអាចថតបានជាធម្មតា
ដោយប្រើវិធិសាស្ត្រដូចបានរៀបរាប់ខាងលើ។
៦. Focus នៅត្រង់ភ្នែក ដែលជាចំណុចសំខាន់បំផុត
មិនថាថតរូបតាមទូរស័ព្ទ
ឬកាមេរ៉ាទេ ចំណុចសំខាន់នៃការ
Focus គឺត្រង់ភ្នែក
(មនុស្ស)
ចំណែកវត្ថុ
ឬរុក្ខជាតិក៏មានចំណុចសំខាន់របស់វាដែរ
ឲ្យតែអ្នកព្យាយាមស្វែងរក។
ភ្នែកមនុស្សគឺជាចំណុច
ដែលបង្ហាញពីថាមពលខ្លាំងជាងគេ
ព្រោះវាបានបង្ហាញមនោសញ្ចេតនារម្មណ៍តាមក្រសែភ្នែកទៅកាន់អ្នកមើល។
ដូច្នេះអ្នកកុំរារែក
ស្រពេចស្រពិលថា តើត្រូវចុច
Focus ត្រង់ណា។
ចំណុចដំបូងបង្អស់គឺ
ភ្នែកហ្នឹងឯង បន្ទាប់មកចាំគិតទៀតថា
តើកន្លែងណាដែលអ្នកចង់ផ្ដោតសំខាន់។
៧. ព្យាយាមថតឲ្យច្រើនប្លង់ផ្សេងៗគ្នា មើលទៅខុសៗគ្នា
បើអ្នកឈរមួយកន្លែងដើម្បីថត
រូបរបស់អ្នកមិនមានអ្វីប្លែកទេ
ទោះថត១០-២០
រូបក៏ដោយ មើលទៅដដែលៗ។
ប៉ុន្តែបើអ្នកផ្លាស់ឥរិយាបថតែបន្តិច
អ្នកនឹងទទួលបានអ្វីដែលថ្មីប្លែកជាងមុន។
អ្នកឈរថត បន្ទាប់មក
អង្គុយចុះ បន្ទាប់មកឱនទាបនឹងដី
ឬចូលកៀកកម្មវត្ថុជាងមុន
ថយឲ្យឆ្ងាយជាមុន
ថតពីខាងលើចុះមកក្រោម។
តាមរយៈឥរិយាបថទាំងអស់នេះ
អ្នកនឹងទទួលបានរូបខុសគ្នាទាំងអស់
ហើយរូបនីមួយៗមានលក្ខណៈពិសេសផ្សេងៗគ្នា។
កុំភ្លេចដូរទីតាំង
និងឥរិយាបថកម្មវត្ថុផងណា!
៨.
ប្រើរបស់ជំនួយ
(Props)
ជួយឲ្យរូបអ្នកកាន់តែមានភាពទាក់ទាញ
ពេលខ្លះមនុស្ស
ដែលជាកម្មវត្ថុរបស់អ្នកពិបាកនឹងបញ្ចេញកាយវិការឲ្យស័ក្ដិសមតាមលក្ខណៈធម្មជាតិណាស់
ព្រោះពួកគេមិនដឹងថាត្រូវធ្វើយ៉ាងម៉េចសម
ឬមួយពេលខ្លះកម្មវត្ថុរបស់អ្នកអៀនដែរ។
ត្រង់នេះអ្នកអាចប្រើ
សម្ភារៈជំនួយឲ្យពួកគាត់
ដើម្បីឲ្យពួកគាត់សំដែងបានយ៉ាងល្អ
តាមអំណោយផលរបស់ពួកគាត់
និងសម្ភារៈទាំងនោះ។
៩. បង្ហាញពីអារម្មណ៍ខាងក្នុងនៃកម្មវត្ថុរបស់អ្នកឲ្យលេចធ្លោឡើង ដើម្បីឲ្យមើលឃើញពីថាមពលនៃរូប
វាពាក់ព័ន្ធនឹងភាពជាឯកជនរបស់តួអង្គអ្នក។
តើពួកគេចូលចិត្តអ្វី
មានអារម្មណ៍បែបណា
ហើយឲ្យពួកគេបញ្ចេញមកក្រៅតាមធម្មជាតិ។
រូបភាពបែបនេះ គឺប្រកបដោយថាមពល
ដែលទាក់ទាញបំផុត។
១០. Edit រូបដោយប្រុងប្រយ័ត្ន
ប្រាកដណាស់
ថតរូបហើយចៀសមិនផុតទេគឺត្រូវការកែច្នៃបន្ថែមក្នុង
App ដើម្បីបង្កើនសម្រស់។
តែកុំ Edit
ជ្រុលពេកក្រែងខូចរូប។
ចំណុចដែលត្រូវធ្វើមុនគេ
គឺធ្វើយ៉ាងណាឲ្យសាច់របស់តួអង្គ
(កម្មវត្ថុ)
មើលទៅស្រទន់
អ្នកត្រូវមើលទៅលើ Exposure
និង
Temperature ។
ចង់ឲ្យរ៉ូមេនទិកបន្តិច
អ្នកគួរមើលទៅលើ Contrast
។ មាន App
ច្រើនទៀតដែលជួយឲ្យអ្នកអាចកែរូបបានស្អាតតាមរយៈទូរស័ព្ទដូចជា
Snapseed, VSCO,
and Mextures ។
អ្នកអាចចាប់ផ្ដើមអនុវត្តបាន!
មិនថាអ្នកប្រើឧបករណ៍ណាដើម្បីថតរូបនោះទេ
អ្នកនៅតែអាចទទួលបានរូបភាពស្រស់ស្អាត
និងមានភាពទាក់ទាញបានដែរ
ឲ្យតែអ្នកព្យាយាមធ្វើឲ្យអស់ពីចិត្ត
និងមានការតម្រែតម្រង់ពីទ្រឹស្ដីរបស់អ្នកជំនាញ។
ជាមួយ cambography.com
អ្នកអាចបង្កើនសមត្ថភាពថតរូបរបស់អ្នកយ៉ាងមានប្រសិទ្ធភាព
ពីមួយថ្ងៃទៅមួយថ្ងៃ។