បង្កើតរូបភាពទាក់ទាញមួយសន្លឹកវាមិនងាយស្រួលដូចជាការគិតរបស់មនុស្សទូទៅនោះទេ
ព្រោះថា ចំណុចសំខាន់របស់ការថតរូប
គេគិតពីរបៀបនៃការថតជាជាងអ្វីដែលគេថត។
ជួនកាល
បើទោះជាកំពុងប្រទះនូវទេសភាព
និងកម្មវត្ថុល្អយ៉ាងណា
ក៏វាអាចទៅជាអាក្រក់បានដែរ
ប្រសិនបើអ្នកថតមិនច្បាស់ថា
ត្រូវថតដោយទ្រឹស្ដីមួយណា
ឬរបៀបណា។
ដំណើរការជ្រើសយករបៀបថតណាមួយមកប្រើនេះគេហៅថា
Composition ។
អ្នកអាចអភិវឌ្ឍន៍ជំនាញថតរូបបន្ថែមតាមរយៈស្វែងយល់ពីទ្រឹស្ដីសំខាន់ៗទាំង៥ខាងក្រោម។
ទី១.
ទ្រឹស្ដី
Rule of Third
សម្រាប់អ្នកថតរូបជាច្រើន
ទ្រឹស្ដីបទ Rule
of Third គឺជាចំណែកសំខាន់មួយដែលពួកគេបានសិក្សា។
បើសិនជាអ្នកស្ទាត់ជំនាញនូវចំណុចនេះហើយ
អ្នកគួររំលងវាចោលចុះ
ប៉ុន្តែប្រសិនបើមិនទាន់យល់ទេ
អ្នកគួរតែចំណាយពេលអានបន្តិច។
នៅពេលចាប់កាមេរ៉ាតម្រង់ទៅកាន់កម្មវត្ថុ
ជាទូទៅគឺគេតែងឲ្យកម្មវត្ថុនៅចំកណ្ដាល
រួចសឹមងាករេឲ្យត្រូវតាមលក្ខខណ្ឌ
Rule of Third ។
Rule
of Third មានន័យយ៉ាងដូចម្ដេច?
នៅលើរូបភាពដែលអ្នកថតមួយសន្លឹក
គេគូរបន្ទាត់៤ រត់កាត់ទទឹងគ្នា
បង្កើតបានជា៩ចន្លោះ
ឬ១៦មុំកែង។
ដូច្នេះអ្នកអាចរាប់ពីលើចុះក្រោមត្រឹមបន្ទាត់ទី២
ឬមុំទី៣ រាប់ពីក្រោមឡើងលើត្រឹមបន្ទាត់ទី២
ឬមុំទី៣ រាប់ពីឆ្វេងទៅស្ដាំ
និងពីស្ដាំមកឆ្វេងដូចគ្នា។
អ្នកគួរដាក់កម្មវត្ថុនៅត្រង់មុំកែងទី៣
តាមលំដាប់ដែលអ្នកបានរាប់ខាងលើ។
នេះហើយទើបគេហៅទ្រឹស្ដីនេះថា
ទ្រឹស្ដីបទRule
of Third ។
ទី២.
ទ្រឹស្ដីបទ
The Golden Ratio
ស្រដៀងគ្នានឹង
Rule of Third ដែរ
តែរៀងជ្រៅជាងបន្តិច
ដោយវាផ្អែកទៅលើទ្រឹស្ដីគណិតវិទ្យា
ដែលយើងអាចរកវាតាមរយៈធម្មជាតិ។
ទ្រឹស្ដីនេះបានពន្យល់ឲ្យអ្នកថតដឹងពី
ចំណុចសំខាន់នៃរូបមួយសន្លឹក
និងដាក់វាឲ្យចំកន្លែងត្រឹមត្រូវ។
ជាទូទៅទ្រឹស្ដីនេះតែងប្រើដើម្បីបង្ហាញពីទំនាក់ទំនងរវាងកម្មវត្ថុ
និងអ្វីៗដែលនៅជាប់គ្នានោះ។
នៅក្នុងទ្រឹស្ដីនេះ
បានបង្កើតរូបមន្តមួយដែលជួយពន្យល់ឲ្យកាន់តែច្បាស់អំពីវា
ដោយមានន័យថា គ្រប់ ១ប៊ីត
(1 bit)
នៃចំណុចដែលមានកម្មវត្ថុ
ត្រូវចូលរួមពីចំណុចបំពេញន័យ
១.៦
ប៊ីត (1.6 bits)។
រៀងដូចជាស្មុគស្មាញបន្តិ!
គេចែករូបភាពមួយសន្លឹកជាបីចំណែក
(រាប់ពីឆ្វេងមកស្ដាំ
ពីស្ដាំទៅឆ្វេង ពីលើចុះក្រោម
និងពីក្រោមឡើងលើ)
ដែលហៅថា
Bit។
អ្នកថតតែងទុកមួយចំណែក
(1 bit) សម្រាប់
ដាក់កម្មវត្ថុ ហើយមួយចំណែក
បូកបន្ថែមជាងកន្លះចំណែក
(0.6)
ដែលបានមកពីចំណែកកណ្ដាលជាកន្លែងសម្រាប់ដាក់អ្វីដែលជួយបញ្ជាក់ន័យឲ្យកម្មវត្ថុ។
ទី៣.
គោលការណ៍
Gestalt (The Principles of
Gestalt)
The
Principles of Gestalt ជាទ្រឹស្ដីបែបចិត្តវិទ្យាមួយ
ដែលអ្នកថតរូបយកមកប្រើ
ដើម្បីធ្វើឲ្យរូបភាពកាន់តែបង្កប់អត្ថន័យ។
ជាទូទៅទ្រឹស្ដីនេះបានបង្កើតឲ្យមានរូបភាព
ដែលមានភាពស្មុគស្មាញច្រើន
ធ្វើឲ្យមនុស្សគិត
និងរៀបចំកម្មវត្ថុទៅតាមលំដាប់លំដោយ។
នៅពេលនោះហើយទើបគេយល់អត្ថន័យរបស់រូបនោះថាចង់ពិពណ៌នាពីអ្វី។
នៅក្នុង គោលការណ៍ Gestalt
មានគន្លឹះមួយចំនួនដែលត្រូវស្វែងយល់។
1. Proximity:
កម្មវត្ថុជាក្រុម
ដែលបង្ហាញថា
ពួកគេមានទំនាក់ទំនងជាមួយគ្នាជិតស្និទ្ធ។
3. Closure: បិទបញ្ចប់កម្មវត្ថុ។ ឧទាហរណ៍ថា ទេសភាពវាលស្រែមានស្រូវទំពណ៌មាស មើលដាច់កន្ទុយភ្នែក ប៉ុន្តែត្រូវបិទបញ្ចប់ដោយលំហមេឃ ព្រោះតែផ្ទៃដីមានលក្ខណៈទាបចុះ។ យ៉ាងនេះក្ដីខួរក្បាលមនុស្សនៅតែគិតថា វាលស្រែនោះនៅតែបន្តរហូតដល់កន្លែងណាមួយដែលគេមិនដឹង។
5. Continuation: ស្រដៀងនឹង Simplicity ដែរ គឺថា កម្មវត្ថុមានលក្ខណៈស្រដៀងគ្នា នៅជាបន្តបន្ទាប់គ្នារហូតមើលទៅហាក់ដូចជាមិនដាច់សោះ។
6. Segregation ឬ Figure: ជារូបភាពទូលាយមួយ ដែលក្នុងនោះកម្មវត្ថុមើលទៅឃើញតូច តែមានលក្ខណៈប្លែកពីអ្វីៗនៅជុំវិញ។
7. Emergence: ត្រង់ចំណុចនេះគឺ ក្នុងរូបថតមួយសន្លឹកបានបង្ហាញនូវកម្មវត្ថុជាច្រើន និងមិនផ្ដោតទៅលើអ្វីមួយនោះទេ នៅពេលមើលមួយភ្លែត។ ប៉ុន្តែ នៅពេលគេសម្លឹងយូរទៅ គេនឹងដឹងពីអត្ថន័យនៃរូបថា តើជាអ្វី?
ទី៤.
Leading Line
Leading
Line មានន័យថាបន្ទាត់មួយ
ដែលនាំភ្នែកអ្នកមើលឲ្យទៅកាន់អ្វីមួយនៅក្នុងរូបថត។
ជាចិត្តសាស្ត្រនៅពេលអ្នកមើលតែងចាប់ផ្ដើមមើលពីដើមបន្ទាត់មុនគេ
ហើយគ្រវាសភ្នែកទៅកាន់ចុងបន្ទាត់។
ប៉ុន្តែសួរថាបន្ទាត់នោះគ្រាន់តែជាអ្នកនាំភ្នែកទេឬ?
មែនហើយ
វាមិនគ្រាន់តែជាអ្នកនាំភ្នែកអ្នកមើលនោះទេ
វាក៏ជាធាតុបញ្ជាក់ន័យឲ្យរូបភាពដែរ។
ទី៥.
Background & Foreground
ជារឿងពិបាកដែរសម្រាប់ការថតយ៉ាងម៉េចឲ្យបានបីស្រទាប់ជាប់គ្នា
ដោយមើលទៅច្បាស់ស្អាត។
ព្រោះវាពាក់ព័ន្ធនឹងបច្ចេកទេស
Lens កាមេរ៉ា។
រូបដែលមាន៣វិមាត្រ
(3D)
ជារូបដែលទាក់ទាញភ្នែកអ្នកមើល
និងធ្វើឲ្យអ្នកមើលអាចប្រៀបធៀបវិមាត្រទាំងនោះបាន។
ឧទាហរណ៍ថា អ្នកថតទេសភាព
ដោយមានដើមត្នោតដុះជាប់គ្នា២ដើម
និងខាងក្រោយមានជួរភ្នំ
ចន្លោះភ្នំ និងដើមត្នោតមានវាលស្រែពណ៌ខៀវ
និងមានហ្វូងក្របីផងដែរ។
៣វិមាត្រនៃរូបភាពនេះ
អាចឲ្យអ្នកមើលយល់បានថា
ចម្ងាយពីដើមត្នោតទៅភ្នំឆ្ងាយប៉ុណ្ណា?
មានអ្វីខ្លះ?
ភ្នំទាំងនោះធំប៉ុណ្ណា?
អ្វីអស់ទាំងនេះអ្នកមើលគេឃើញ
តែគេមិនដឹងទេថាថតយ៉ាងម៉េច។
តែអ្នកថតត្រូវតែដឹងថា
មានអ្វីខ្លះនៅក្នុងរូប
ដើម្បីទាញចិត្តអ្នកមើលឲ្យស្រមៃឃើញអ្វីមួយដែលគេធ្លាប់ឆ្លងកាត់។
តើទ្រឹស្ដីមួយណាដែលអ្នកតែងប្រើ?